Оогандык студенттердин Кыргыз өлкөсүндө билим алуусу үчүн 500гө чейин виза берилет

Ооганстандагы акыркы окуяларга байланыштуу Кыргыз өлкөсү ооган элине жардам көрсөтөт. Маалыматты Тышкы иштер министрлигинен кабарлашты.

Белгилүү болгондой, тышкы иштер министри Руслан Казакбаев АКШнын Кыргыз жергесинде убактылуу ишенимдүү өкүлү Алан Мельтцерди жана АКШнын миссиясынын башчысынын орун басары Соната Колтерди кабыл алды.

"Министр Садыр Жапаровдун көп улуттуу ооган элине зарыл болгон гуманитардык жардам көрсөтүү тапшырмасы тууралуу маалымат берди. Ушуга байланыштуу оогандык студенттерге Кыргыз өлкөсүндөгү жогорку окуу жайларында билим алуу үчүн 500гө чейин виза берүү жарыяланды.

Америкалык тарап кыргыз тараптын виза берүү чечимин оң баалап, Бишкектеги Борбордук Азиядагы Америка университетинде 150гө чейин ооган студенттерин каржылоого даярдыгын белгиледи", - дешти мекемеден.