Супер-Инфо
super.kg видео
Футбол боюнча Ооганстан курама командасынын футболчусу америкалык учактын дөңгөлөгүнө кыпчылып каза болду
Футбол боюнча Ооганстан курама командасынын жаш футболчусу Заки Анвари "Талибан" кыймылынын коркунучунан улам Кабулдагы аэропорттон өлкөдөн чыгып кетүүгө аракет кылып жатып каза болду. Бул тууралуу чет элдик спорттук басылмалар жазышты.
Маалыматка ылайык, жаш футболчу Кабул аэропортунда абага көтөрүлгөн америкалык C-17A аскердик учагына жабышкандардын бири болгон. Анын сөөгүнүн калдыктары шассиден табылган.
Эске салсак, 17-августта "Талибан" кыймылы Ооганстандагы бийликти колуна алгандан кийин Кабулдун миңдеген жашоочулары өлкөдөн чыгып кетүү үчүн аэропортко топтолушкан. Бирок аталган аба майданында бардык коммерциялык каттамдар токтотулганы маалым болгон.
Көп өтпөй интернет тармактарында качкындарды алып кетүү үчүн келген америкалык учактын алдына жүгүрүп, айрымдары ар кайсы бөлүктөрүнө жармашып кетүүгө аракет кылып жаткан адамдардын видеосу тараган. Ошондой эле бийиктикке көтөрүлүп бара жаткан учактан кулап түшүп жаткан жарандардын видеосу да жарыяланган.
0
Ошол аялдарын адам катары корбогону учун ушинтип жалан эркектер энелерин, аялдарын, карындаштарынын келечегин ойлобой качып кетип жатышат. Дегеле ислам дининде аялдын орду коомдо жасалма турдо басмырланган. Башка диндерде аялдарга мажбурлап бети башын хиджабка тумчулап, чумкобойт. Куранды негизинен аялдарга үстөмдүк кылгысы келген сабатсыз эркектер жазган. Калп эле Кудайдын буйругу деген жалган идеяны бетке кармай беришет.