Өлкөдөгү жогорку окуу жайларда убактылуу эмдөө пункттары ачылат

Республикалык ыкчам штабдын кезектеги жыйынында Саламаттыкты сактоо жана социалдык өнүктүрүү министрлигине университеттерде убактылуу эмдөө пункттарын ачуу тапшырылды. Бул тууралуу министрлер кабинетинин басма сөз кызматынан билдиришти.

Маалыматка ылайык, жыйындын жүрүшүндө, Кыргыз өлкөсүнүн медициналык жана башка мекемелеринин базасында COVID-19 менен ооруган бейтаптарды реабилитациялоо маселелери, ошондой эле өлкөдөгү эпидемиологиялык кырдаалдын өнүгүшүнүн болжолдору талкууланган.

Ал эми министрлер кабинетинин төрагасынын орун басары Жылдыз Бакашова Саламаттыкты сактоо жана социалдык өнүктүрүү министрлигине, Билим берүү жана илим министрлиги менен бирдикте университеттердин аймагында калкты коронавирус инфекциясына каршы эмдөө үчүн убактылуу эмдөө пункттарын ачуу маселесин иштеп чыгууну тапшырган.