Улукбек Марипов: "Кыргыз өлкөсүнүн Биримдик өнөктөштөрү менен өз ара соода жүргүзүү көлөмү 5 ай ичинде 34,7 пайызга жогорулады"

Кыргыз өлкөсүнүн Биримдик өнөктөштөрү менен өз ара соода жүргүзүү көлөмү 5 ай ичинде 34,7 пайызга жогорулады. Бул тууралуу бүгүн, 20-августта Евразиялык өкмөттөр аралык кеңешинин кеңири форматтагы кезектеги жыйынында министрлер кабинетинин төрагасы Улукбек Марипов билдирди.

"Эки жыл мурда ушул эле учурда Ысык-Көл жээгинде биз интеграциялашуунун 5 жылдык юбилейин жана биргелешкен аракет аркылуу жетишилген ийгиликтерибизди белгилеген элек. Ал учурдан тарта биз дүйнөдө орун алып жаткан коронавирус инфекциясына байланыштуу өнүгүүнүн жөнөкөй эмес жолун басып өттүк. Ага карабастан, бул сыноо Бирликтин мүмкүнчүлүктөрүн алсыратпастан, тескерисинче бекемдеди, муну дагы бир жетишкендик катары кабылдасак болот. Буга далил катары ички сооданын өнүгүү темпин келтирсек болот. Мисалга, Кыргыз мамлекетинин Биримдик өнөктөштөрү менен өз ара соода жүргүзүү көлөмү ушул жылдын 5 айы ичинде өткөн жылдын ушул мезгилине салыштырмалуу 34,7 пайызга жогорулаган, бул бизге ишеним тартуулайт", - дейт ал.