Бишкекте эми салыкты Калкты тейлөө борборлорунда төлөсө болот

Бишкек шаарынын тургундары эми салыкты Калкты тейлөө борборлорунда (КТБ) төлөй алышат. Бул тууралуу Бишкек мэриясынын басма сөз кызматынан билдиришти.

Ага ылайык, жарандардын ыңгайлуулугу жана аймактык салык башкармалыктарындагы, банктардагы жана почта түйүндөрүндөгү кезек күтүүлөрдү жеңилдетүү үчүн борбордогу Калкты тейлөө борборлорунда салык төлөө мүмкүнчүлүгү уюштурулду.

Жарандар салыктарды төмөнкү Калкты тейлөө борборлорунда төлөй алышат:

• №1 КТБ, дареги – 12-кичи район, Нуркамал көч. 29 («ДК» соода борбору);
• №2 КТБ, дареги – Чокон Валиханов көчөсү 2;
• №3 КТБ, дареги – Жаш Гвардия кең көчөсү 4;
• №4 КТБ, дареги – Жибек Жолу кең көчөсү 381.

"Урматтуу жарандар, транспорт салыгын 1-сентябрга чейин, 2-сентябрга чейин - жер салыгын жана батирлерге, үйлөргө салыкты төлөөгө жетишиңиз", - деп билдиришти муниципалитеттен.