Тоолуу райондордо өткүн өтөт. 23-августка карата аба ырайы

Эртең, 23-августта күндүз Талас, Ысык-Көл, Нарын облустарынын кээ бир райондорунда, Чүй, Ош, Жалал-Абад, Баткен облустарынын тоолуу райондорунда өткүн өтүп, күн күркүрөшү мүмкүн. Бул тууралуу Кыргызгидрометтен билдиришти.

Маалыматта айтылгандай, Чүй, Ош, Жалал-Абад, Баткен облустарынын дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, күндүз жана кээ бир райондордо 15-20 метрге жетиши ыктымал.

Абанын температурасы:

Чүй облусунда түнкүсүн 14…19, күндүз 29…34;

Талас жергесинде түнкүсүн 10…15, күндүз 27…32;

Баткен, Ош, Жалал-Абад облустарында түнкүсүн 17…22, күндүз 31…36;

Ысык-Көл облусунда түнкүсүн 9…14, күндүз 21…26;

Нарын облусунда түнкүсүн 6…11, күндүз 21…26 градус жылуу болот.

Бишкек шаарында жаан-чачын күтүлбөйт. Абанын түнкү төмөнкү температурасы 16…18°, күндүзгү жогорку температурасы 31…33 градус жылуу болот.