Тажик тарап Кыргыз жарандарынын унаасына таш ыргыткан боюнча окуяны иликтөөгө көмөктөшөт

22-августта Баткен районунун Төрт-Көчө аймагында Кыргыз-Тажик чек ара өкүлү жолугушту. Бул тууралуу УКМКнын чек ара кызматынан билдиришти.

Жолугушууда тараптар Эки-Таш аймагында Кыргыз жарандарына таандык унааларга таш ыргытуу фактысын, ошондой эле Головная суу алгычынын каршысында тажик тарап жүргүзгөн иштердин маселесин карашты. Сүйлөшүүлөрдүн жыйынтыгында жарандардын коопсуздугун камсыздоо үчүн кызмат өтөө учурунда Кыргызстан менен Тажикстандын чек арачылары тарабынан кошумча чаралардын комплексин аткаруу чечимдери кабыл алынды. Мындан тышкары, Тараптардын укук коргоо органдарына Кыргыз жарандарынын унааларына таш ыргытуу боюнча иликтөө жүргүзүүдө жардам көрсөтүлөт. Чек ара өкүлдөрү окуялардын алдын алуу үчүн чек ара аймагынын тургундары арасында түшүндүрүү иштерин жүргүзүшөт.

Кошумчалай кетсек, Тажик тарап Головной суу алгычынын каршысындагы траншеяны уюштуруу боюнча ишти токтоткон. Мамлекеттик чек аранын кыргыз-тажик тилкесиндеги абал салыштырмалуу туруктуу деп мүнөздөлүүдө.