Бишкекте “Гүлдөр калейдоскобу” көргөзмөсү ачылды (фоторепортаж)

Цикламен(персия гүлү)- токой гүлдөрүнө кирет. Бак-дарактардын көлөкөсүндө өскөндү жактырат

Эхинофоссулокактус- чанда кезигүүчү “кабыргалуу” кактус. Жылына бир ирет жазында гүлдөйт

Адениум- күн нурун көп талап кылуучу гүл. Өзгөчөлүгү -бир ай суусу жок жашай алат. Кургакты сүйүүчү өсүмдүк

Стрептокарпус- узакка гүлдөгөндүгү (апрелден ноябрга чейин гүлдөйт) менен айрымаланат. 30тан ашык түрү бар.

Фиалка гүлүнүн бир түрү

Көргөзмөгө фиалканын бир нече түрлөрү коюлду

Көргөзмөгө келген көрүүчүлөр

Гүлдөп турган кактус-грузони

Гүлдөп турган кактус

Бүгүн, 1-ноябрда Бишкек шаарындагы Тарых музейинде “Гүлдөр калейдоскобу” аталышындагы гүлдөр көргөзмөсү ачылды. Аталган көргөзмөгө Германия, Украина, Орусия, Франция жана Америкадан алынып келинген каланхое, каландива-париж, цикламен, стрептокарпус сыяктуу 1000ден ашык гүлдүн түрү коюлган. Аталган иш-чараны Бишкектин тургуну Анна Печереева уюштурган. Көргөзмөнүн максаты - шаар тургундарына жакшы маанай тартуулоо жана гүл өстүрүүчүлөр менен тажрыйба алмашуу. Көргөзмө 3-ноябрга чейин уланат жана ага 11ден ашуун коллекциячы катышууда.