Жалал-Абадда айына 40 миңден ашуун жаранга кызмат көрсөтө алган калкты тейлөө борбору иштей баштады

Жалал-Абадда жаңы форматтагы калкты тейлөө борбору иштей баштады. Санариптик өнүктүрүү министрлигинен кабарлашкандай, тейлөө борбору айына 40 миңден ашуун кайрылуучуларды тейлей алат.

Калкты тейлөө борборунун коноктору үчүн тиешелүү шарттар түзүлгөн. Имараттын ичи кеп-кеңеш берүү, күтүү залы жана документтерди кабыл алуу зоналарына бөлүнгөн. Мүмкүнчүлүгү чектелген адамдар үчүн дагы шарттар каралган. Электрондук кезек күтүү орнотулуп, ишти видеокамералар көзөмөлдөйт", - деп айтылат билдирүүдө.

Маалымат үчүн: Жалал-Абад шаарында 2011-жылдан бери калкты тейлөө борбору иштейт. Борбордун жалпы аянты 478 чарчы метрди түзгөн, аталган тейлөө борбору 2020-жылы Жалал-Абад шаарынын жарым миллиондон ашык тургундарына мамлекеттик кызмат көрсөтүлгөн.

Бүгүнкү күндө Кыргызстанда ири 27 калкты тейлөө борбору жана эки кичи калкты тейлөө борборлору иштейт.