Спортчу Акжол Махмудовдун трикосун сатып алган Эрлист Акунбеков: "Мен кайрымдуулукту колдодум"

Бүгүн, 25-августта Ысык-Көлдө өткөн форумда спортчу Акжол Махмудовдун трикосу 26 миң долларга сатылды.

Аны "Бай дыйкан" айыл чарба колдоо долбоорунун жетекчиси Эрлист Акунбеков сатып алды.

"Мен Акжол Махмудов трикосун аукционго койгонун укканда колдогум келген. Бабур Төлбаев Ысык-Көлгө чакырган. Акжолдун келерин келгенден кийин уктум. Жалпы чогулган 26 миң доллардын көбүн, тактап айтканда, 6,5 миң долларды берип жеңип алдым. Кеп кийимде эмес, мен кайрымдуулукту колдодум. Аны эмне кыларым али белгисиз", - деди Акунбеков.

Акжол Махмудов өзү 1 миң доллар кошуп, чогулган акчанын 60 пайызы Аруузатка, 30 пайызы кайрымдуулукка, ал эми 10 пайызы ак илбирсти коргоого жумшаларын айткан. Форумдун коноктору 100 доллардан 5 миң долларга чейин каражат чогултушкан.