29-августта көпчүлүк аймактарда жаан жаабайт

Эртең, 29-августта республиканын көпчүлүк аймактарында жаан-чачын жаабайт. Батыш тараптан келген шамалдын ылдамдыгы секундасына 4-9 метрге, күндүз кээ бир райондордо 15-20 метрге жетерин Кыргызгидромет борборунан билдиришти.

Абанын температурасы:

Чүй облусунда түнкүсүн +15 … +20, күндүз +28… +33;

Талас облусунда түнкүсүн +9 … +14, күндүз +26 … +31;

Баткен, Ош, Жалал-Абад облустарында түнкүсүн +16 … +21, күндүз +30 … +35;

Ысык-Көл облусунда түнкүсүн +7 … +12, күндүз +20 … +25;

Нарын облусунда түнкүсүн +4 … +9, күндүз +19 … +24°.

Бишкекте жаан жаабайт. Абанын температурасы түнкүсүн +18 … +20, күндүз +31 … +33 градус болот.