Бишкек, Ош жана Токмок шаарларынын мэрлерин шайлоонун натыйжасы тууралуу протоколдор бекитилди

Бишкек, Ош жана Токмок шаарларынын мэрлерин шайлоонун натыйжасы тууралуу протоколдору бекитилди. Бул тууралуу Борбордук шайлоо комиссиясынын басма сөз кызматынан билдиришти.

Бишкек шаарынын мэринин кызмат ордуна министрлер кабинетинин төрагасы жана Бишкек шаардык кеңешинин көпчүлүк коалициясы көрсөткөн 1 талапкер – Айбек Жунушалиев катталган. Жунушалиев Бишкек шаарынын мэри болуп шайланды.

Ош шаарынын мэринин кызмат ордуна министрлер кабинетинин төрагасы жана Ош шаардык кеңешинин "Аманат" көпчүлүк коалициясы көрсөткөн 1 талапкер – Алмаз Мамбетов катталган. Мамбетов Ош шаарынын мэри болуп шайланды.

Чүй облусунун Токмок шаарынын мэринин кызмат ордуна 2 талапкер – көпчүлүк коалициясы көрсөткөн Урматбек Самаев, азчылык коалициясы көрсөткөн Азат Кубатбек уулу катталган. Добуш берүүгө Токмок шаардык кеңешинин 31 депутатынын 30 депутаты катышты. Самаев Токмок шаарынын мэри болуп шайланды.