Кыргыз Республикасынын Эл акыны наамы 5 акынга ыйгарылды

Бүгүн, 31-августта президент Садыр Жапаров бир катар маданият өкүлдөрүнө мамлекеттик сыйлыктарды тапшыруу жарлыгына кол койду.

Ага ылайык, Кыргыз Республикасынын Эл акыны наамы төмөнкү акындарга ыйгарылды:

Жеңишбек Жумакадыров - төкмө акын;

Азамат Болгонбаев - төкмө акын, Ш.Термечиков атындагы Чүй облустук драма театрынын директору;

Амантай Кутманалиев - Токтогул Сатылганов атындагы Кыргыз улуттук филармониясынын
“Эл ырчысы Эстебес” фольклордук тобунун төкмө акыны;

Аалы Туткучев - Токтогул Сатылганов атындагы Кыргыз улуттук филармониясынын
“Эл ырчысы Эстебес” фольклордук тобунун жетекчиси;

Бактыгүл Чотурова - акын, М.Жангазиев атындагы Кыргыз мамлекеттик куурчак театрынын адабий бɵлүмүнүн башчысы.