Таяк тартыш, кыргыз күрөшү. Баткенде майрам спорттук иш-чара менен өтүүдө (сүрөт)

Бүгүн, 31-августта Баткенде Эгемендүүлүк күнүнө карата спорттук иш-чаралар өтүп жатат. Бул тууралуу президенттин Баткен облусундагы ыйгарым укуктуу өкүлчүлүгүнүн басма сөз кызматынан маалымдашты.

Маалыматка ылайык, облус башчысы Абдикарим Алимбаев мелдешке катышып жаткан катышуучулар менен жолугушуп, өлкөнүн эгемендикке жеткен күнүнүн 30 жылдыгы менен куттуктап, ийгиликтерди каалады.

"Андан соң ыйгарым укуктуу өкүл жаштарды, жалпы катышуучуларды спортту сүйүүгө жана спорт менен жашоого үндөдү. Мындан сырткары облус башчысы спорттун теннис жана гира көтөрүү түрү боюнча өзү да катышып үлгү көрсөттү.

Бүгүн борбордук стадиондо спорттун беш түрү боюнча мелдеш уюштурулган. Анда катышуучулар улуттук кыргыз күрөшү, аркан тартыш, таяк тартыш, шахмат, гира көтөрүү боюнча мелдешет", - деп айтылат маалыматта.