Бишкектеги "Жеңиш" аянтында палоо жасоо боюнча сынак уюштурулду

Бишкекте эгемендүүлүктүн 30 жылдыгына арналган майрамдык салтанатка карата иш-чара "Жеңиш" аянтында өттү. Бул тууралуу Бишкек шаардык мэриянын басма сөз кызматынан билдиришти.

Маалыматка ылайык, майрамдык иш-чарага Бишкек шаарынын мэри Айбек Жунушалиев катышты. Шаардыктар үчүн ата мекендик өнөрпоздордун концерти уюштурулду. Борбордук кафе-ресторандар арасында эң мыкты палоо жана тамак жасоо боюнча сынак уюштурулду. Шаардыктар майрамдык таттуулардан даам татышты. Майрамдын коноктору сүрөт көргөзмөлөрүнө, көркөм сүрөт боюнча мастер-класстарга күбө болушту. Ошондой эле "Менин Эгемендүү Кыргызстаным!" аталышындагы асфальтка сүрөт тартуу сынагы өткөрүлдү.