"Катуу ылдамдык, мас абалда унаа башкаруу, рулда уктап кетүү". Баткенде айдоочуларга практикалык жардам көрсөтүлүүдө

Баткен облусунун кызматкерлерине жол коопсуздугун камсыздоо боюнча практикалык жардам көрсөтүлүүдө. Бул тууралуу республикалык жол кыймылынын коопсуздугун камсыздоо башкармалыгынан билдиришти.

Билдирүүгө ылайык, эл аралык, шаар аралык жүргүнчү ташуу менен алектенген айдоочулар топтолгон жерлерде жана район борборлорунда, авто бекеттерде айдоочулар арасында түшүндүрүү иштерин жүргүзүшүүдө.

Аталган облус аймагында ЖКККББнын борбордук аппаратынын кызматкерлери тарабынан жол-транспорт кырсыктарынын эң негизги себептери катуу ылдамдык, мас абалда унаа башкаруу, рулда уктап кетүү менен адам өмүрүн алган жол-транспорт кырсыктары болуп жатканы эскертилүүдө.

"Баткен облусунун аймагында 25-августтан тартып ЖКККББнын борбордук аппаратынын кызматкерлери Баткен облусундагы кесиптештери менен биргеликте жүргүнчүлөрдү ташууда укук бузууларга, жол эрежесин одоно бузган айдоочулар арасында, жеке менчик минивендер менен эл ташыган унаалардын жана кичи автобустардын катышуусунда жол кырсыгынын алдын алууга багытталган практикалык жардам көрсөтүшүүдө", - деп жазылат маалыматта.