Кыргыз Республикасынын жарандыгына кабыл алуу жана жарандыгынан чыгуу жөнүндө жарлыктарга кол коюлду

Президент Садыр Жапаров президентке караштуу Жарандык маселелери боюнча комиссиянын сунуштарынын негизинде Кыргыз Республикасынын жарандыгына кабыл алуу жана жарандыгынан чыгуу жөнүндө жарлыктарга кол койду. Бул тууралуу президенттик администрациянын басма сөз кызматынан билдиришти.

Анын ичинде Кыргыз Республикасынын жарандыгына кабыл алуу жөнүндө Кыргыз Республикасынын президентинин 1 жарлыгы 227 кишиге (179 – чоң киши жана 48 бала), көпчүлүгү тарыхый мекенине кайтып келген этникалык кыргыздар жана Кыргыз Республикасынын президентинин 1 жарлыгы Кыргыз Республикасынын жарандыгынан чыгуу жөнүндө 180 кишиге (150 – чоң киши жана 30 бала).

Жалпы келтирилген өтүнүч – 407 кишиге (329 – чоң киши жана 78 бала).