Панжшер провинциясындагы салгылашууда 350 талиб жок кылынгандыгы кабарланды

Ооганстандын Панжшер районундагы өкмөттүк күчтөр менен "Талибан" кыймылынын салгылашуусунан жалпы 350 талиб жок кылынды. Бул тууралуу Ооган улуттук каршылык көрсөтүү фронтуна таянуу менен чет элдик басылмалар жазышты.

Маалыматка ылайык, салгылашуудан 350 талиб жок кылынса, 287си жаракат алып, 35 талиб туткунга түшүрүлгөн. Ошол эле учурда "Талибан" кыймылы бул провинцияны алуу үчүн арты-артынан чабуул уюштуруп жатышкандыгы белгилүү болду.

Мындан тышкары, Ооган улуттук каршылык көрсөтүү фронту "Талибан" кыймылынын көптөгөн курал-жарактарын, ок-дарыларын тартып алышкан.

Панжшер провинциясы талибдер Ооганстанда көзөмөлдөбөгөн акыркы аймак болуп саналат. Буга чейин "Талибан" кыймылы аталган аймакты курчоого алып жаткандыгы кабарланган.

Белгилей кетүүчү нерсе, "Талибан" кыймылы Кыргыз өлкөсүнүн аймагында террордук жана экстремисттик уюм катары таанылып, ишмердүүлүгүнө тыюу салынган.