Коомдук унааларда санитардык норманы сактоого көзөмөл күчөтүлөт

Жаңы окуу жылын утурлай Бишкек шаарынын троллейбус дирекциясынын көчмө бригадасы троллейбустарда санитардык нормаларды сактоого көзөмөлдү күчөттү. Бул тууралуу мекеменин басма сөз кызматынан билдиришти.

Маалыматка ылайык, кызматкерлер жүргүнчүлөр менен коомдук транспортто бет кап режимин жана аралыкты сактоо боюнча түшүндүрүү иштерин жүргүзүштү. Ошондой эле троллейбустун ички тазалыгын, айдоочулардын сырткы көрүнүшүн жана кол тазалоочу каражаттардын иштөө абалын текшеришти. Жалпысынан 130 троллейбус текшерилди. Бул рейддер аптасына эки жолу өткөрүлөт. Бригада жүргүнчүлөрдөн коомдук транспортто бара жатканда санитардык-эпидемиологиялык эрежелерди сактоону суранышты.