Жети-Өгүз районунун акими топтолгон саруулуктар менен жолукканы бара жатат

Ысык-Көлдөгү Саруу айылынын тургундары бүгүн, 4-ноябрда аймактан чыккан Мамажан бийдин күмбөзүнүн ачылышына карата иш-чара өткөргөнү жатат. Жылуу-Суу айылында жайгашкан күмбөздө бүгүн түлөө өткөрүлмөкчү. Муну бизге Жети-Өгүз районунун акими Дамир Моңолдоров билдирди. Айтымында, аталган иш-чарада “Кумтөр” боюнча талаптардын аткарылышы тууралуу да сөз болушу мүмкүн. “Мени чакырышты, учурда жолдо бара жатам. Саруу айылында атчандар жүрүш жасашты. Район боюнча коомдук саясий кырдаал туруктуу”,- деди аким.