Эртең аяктайт. Москвада Дөөлөт Сыдыков 5 күндөн бери манас айтууда

Орусиянын Москва шаарында "Гиннесстин рекорддор китебине" катталуу үчүн манас айтып жаткан манасчы Дөөлөт Сыдыков болжол менен эртең, тактап айтканда 5-сентябрда түштөн кийин манас айтууну жыйынтыктайт. Бул тууралуу уюштуруучу Гүлзар Кокенова SUPER.KG порталына билдирди.

"Азыркы тапта 4-күндүн 5 сааты айтылып бүттү. Кудай буюрса, эртең болжол менен түш чендерде манас айтуу жыйынтыкталышы мүмкүн. Күбөлөр, эксперттер убакытты көзөмөлдөп жатышат. Бул манасчынын саламаттыгынан көз каранды. Дөөлөт Сыдыков өзүн жакшы сезип жатат. Манасты 9-10 саатка чейин айтып, ортодо 1-2 сааттай эс алып жатат. Бизди Орусияда эмгектенген мекендештерибиз келип колдоп жатышат. Бизди кубандырганы бул жактагы кыргыздар өтө ынтымактуу экен. Улуттук кийимдерди кийип келип, колдон келишинче колдоо көрсөтүшүүдө", - деп билдирди Кокенова