Бишкекте жол чийиндерин түшүрүүнүн жаӊы технологиялары сыноодон өтүүдө

Бишкекте жол чийиндерин түшүрүүнүн жаӊы технологиялары сыноодон өтүүдө. Бул тууралуу шаардык муниципалитеттен билдиришти.

Маалыматка ылайык, ишкана муздак пластикти кол менен, ал эми жол красканы жана ысык пластикти машина менен чийүүдө. Бардык факторлор эске алынып, азыр ишкана тарабынан салыштырма анализ жүргүзүлүүдө.

"Жакында эле “Курулуш техникасы жана материалдары” компаниясынын өкүлдөрү менен биргеликте шмелёк жол чийиндерин чийүүчү машинасын колдонуп көрдүк. Орозбеков жана Васильев көчөлөрүнүн кесилишинде жөө адамдар өтүүчү өтмөктүн чийинин чийдик. Ишкананын жол мастерлери машинаны башкарууга аракет кылып, анын көрсөтмөсү менен таанышты.

Шмелёк машинасы Беларусь Республикасында өндүрүлөт жана муздак пластик менен гана иштейт", - деп жазылат маалыматта.