Улукбек Марипов күйүүчү майга тийиштүү маселелерди чечүүнү тапшырды

Улукбек Марипов министрлер кабинетинин мүчөлөрү менен актуалдуу социалдык-экономикалык маселелер боюнча кеңешме өткөрдү.

Кеңешменин жүрүшүндө Марипов алдыдагы парламенттик шайлоону уюштуруу боюнча сапаттуу даярдык иштеринин маанилүүлүгүн белгилегенин министрлер кабинетинен кабарлашат.

"Парламенттик шайлоону уюштурууга жана аны өткөрүүгө көмөк көрсөтүү боюнча штаб түзүү, ошондой эле тийиштүү уюштуруу иштерин жүргүзүү зарыл", - деп белгиледи ал.

Мындан тышкары Улукбек Марипов күз-кыш жылытуу мезгилинен өтүү боюнча бардык даярдык иштерин жыйынтыктоону тапшырды.

"Токтогул ГЭСинин төртүнчү гидроагрегатын ишке киргизүү керек. Ошондой эле күйүүчү майга тийиштүү учурдагы маселелерди чечүү жана зарыл болгон сүйлөшүүлөрдү жүргүзүү маанилүү", - деди министрлер кабинетинин башчысы.

Кеңешменин жыйынтыгы боюнча, мамлекеттик органдарга бир катар тапшырмалар берилди.