Садыр Жапаровдун уулу Рустам Жапаров парламенттик шайлоого даярданып жатканы айтылды

Президент Садыр Жапаровдун уулу Рустам Жапаров парламенттик шайлоого талапкерлер менен жолугушуу өткөрүүдө. Бул тууралуу депутат Дастан Бекешев Телеграм каналына жарыялады.

"Парламенттик шайлоого катышууну каалагандардын саны абдан көп. Бири-бири менен кофейняда жолугуп сүйлөшүп жатышат. Партиялар бир ай ичинде партиялык жана бир мандаттуу округдардан талапкерлердин тизмесин тактап алышы керек. Ушундай жолугушууларды президенттин баласы Рустам дагы өткөрүп жатат.

Мыкты жигит. Бирок ал атасынын иштеринин баарын бузуп салышы мүмкүн. Бул нерсенин аягы кайгылуу бүтүшү ыктымал. Анткени буга чейинки эки президенттин баласы ушул сыяктуу иштер менен алектенген учурларды көрдүк.

Президент бул үчүн аны урушат деп үмүттөнөм жана ал бардык каалоолорун токтотот. Албетте, бул өлкөгө же анын үй-бүлөсүнө артыкчылыктарды кошпойт. Мен ойлойм, алар үй-бүлөлүк кеңеште туура чечим чыгарышат, уулуна саясий платформа түзүүнүн кереги жок.

Ал өзү тизмеде жок болушу мүмкүн, бирок уюштура алат. Бул тууралуу көптөгөн депутаттар жана талапкерлер айтып жатышат.

Кыргыз өлкөсү кичинекей мамлекет, бул жерде эч нерсени жашыра албайсың", - деп билдирүү калтырган Бекешев.