Өлкөдө 7 жашка чейинки балдардын 22 пайызы гана мектепке чейинки билим берүү менен камсыздалды

Алдыдагы 4 жылда өлкөдөгү 7 жашка чейинки балдардын 50 пайызын мектепке чейинки билим менен камсыздоо пландалууда. Бул тууралуу Бакыт Исмаилов өлкөнүн билим берүү системасынын жетекчилери жана окутуучулардын жыйынында билдирди.

Анын айтымында, Билим берүү жана илим министрлигинин 14 пункттан турган 4 жылдык программасында балдарды мектепке чейинки билим берүү менен камсыз кылуу да каралган. Анда өлкөдөгү бала бакчалардын жана мектепке даярдоочу мекемелердин санын көбөйтүү менен азыркы көрсөткүчтү 50 пайызга жеткирүү планы камтылган.

Учурда өлкө аймагындагы 7 жашка чейинки балдардын 22 пайызы гана мектепке чейинки билим берүү менен камсыздалган. Аларды мектепке даярдоо үчүн өлкө боюнча 1 миң 648 мекеме (алардын ичинде балдар бакчасы да бар) иш алып барат.

Ал эми өлкөдө 7 жашка чейинки жалпы 1 миллион 117 миң 950 бала бар.