Кыргыз өлкөсүнүн Венгриядагы элчилиги негизделет

Өлкө башчы Садыр Жапаров "Кыргыз Республикасынын Венгриядагы элчилигин уюштуруу жөнүндө" жарлыкка кол койду. Бул тууралуу президенттик администрациядан кабарлашты.

Билдирүүгө ылайык, "Кыргыз Республикасынын дипломатиялык кызматы жөнүндө" мыйзамдын 5-беренесинин 2-бөлүгүнө жана "Мамлекеттик органдардын Кыргыз Республикасынын тышкы саясат чөйрөсүндөгү өз ара аракеттенүүсү жөнүндө" мыйзамдын 4-беренесинин 10-пунктуна ылайык, Кыргыз Республикасы менен Венгриянын саясий, соода-экономикалык, илимий-техникалык жана маданий байланыштарын андан ары өнүктүрүүнү камсыздоо максатында токтом кылынат.

Будапешт шаарында жайгаштыруу менен Кыргыз өлкөсүнүн Венгриядагы элчилигин уюштуруу.

Ал эми министрлер кабинетине:

- Кыргыз Республикасынын Венгриядагы элчилигинин ишин уюштуруучулук жана финансылык жактан камсыз кылуу маселелерин чечүү;

- өзүнүн чечимдерин ушул жарлыкка ылайык келтирүү.