1500 тонна буудай, жеке коргонуу каражаттары. Кытай Кыргыз өлкөсүнө гуманитардык жардам көрсөтөт

Кытай мамлекети коронавирус менен күрөшүүдө Кыргыз өлкөсүнө жеке коргонуу каражаттарын жана 1 жарым миң тонна буудай берет. Мындай маалымат Тышкы иштер министрлигинин басма сөз кызматы тарабынан белгилүү болду.

Билдирүүгө ылайык, тышкы иштер министри Руслан Казакбаев Кытайдын Кыргыз өлкөсүндөгү элчиси Ду Дэвэнди кабыл алды. Жолугушуунун жүрүшүндө тараптар кыргыз-кытай кызматташтыгынын актуалдуу маселелери боюнча пикир алмашып, буга чейин жетишилген келишимдердин аткарылышын талкуулашты.

"Элчи Ду Дэвэнь Кытай өкмөтүнүн Кыргыз Республикасына 1500 тонна буудай, ошондой эле COVID-19 менен күрөшүү үчүн жеке коргонуу каражаттары түрүндөгү гуманитардык жардам көрсөтүү чечими тууралуу маалымат берди.

Руслан Казакбаев COVID-19 менен күрөшүүдө дайыма көрсөткөн колдоосуна жана кезектеги гуманитардык жардам берүү чечими үчүн Кытай тарапка ыраазычылыгын билдирди", - деп айтылат маалыматта.