Бишкекте көрктөндүрүү эрежелерин бузгандар аныкталды

Бишкек шаарындагы Дордой көчөсүнүн төрт тургунуна Бузуулар жөнүндө кодексинин 1-бөлүгүнө ылайык, 7 миң 500 сом айып салынды. Алар казуу иштерин ордерсиз (уруксат кагаздары жок) жүргүзүшкөн. Бул тууралуу мэриянын басма сөз кызматынан кабарлашты.

"Курулуш компаниясы дароо эки беренени бузган. Компаниянын транспорттук жабдуулары муниципалдык жерге өндүрүш калдыктарын ыргытышкан, тазалыкты жана чектеш аймакта тартипти сакташкан эмес, бул үчүн аларга Кыргыз Республикасынын "Бузуулар жөнүндө" кодексинин 70-беренесинин 2-бөлүгүнө ылайык, 13 миң сомдук протокол түзүлдү. Компаниянын жооптуу кызматкерлери күнөөлөрүн моюнуна албагандыгына байланыштуу иш административдик комиссияда каралат", - деп жазылат билдирүүдө.

Бишкек мэриясы шаар тургундарынан көрктөндүрүү эрежелерин бузбай, таштандыларды ар кайсы жерге ыргытпоону суранат.