11 алтын. "Кыргыз темир жолунун" кызматкерлери XX эл аралык Ысык-Көл оюндарына катышып, 50 медаль утушту

"Кыргыз темир жолунун" 14 кызматкери XX эл аралык Ысык-Көл оюндарына катышып, жалпысынан 50 медаль утушту. Бул тууралуу "Кыргыз темир жолунун" басма сөз кызматынан маалымдашты.

Маалыматка ылайык, алар спорттук оюндардын 12 түрү боюнча (жеңил атлетика, сууда сүзүү, армрестлинг, пляждык футбол жана башкаларга) катышты. Оюндардын жыйынтыгында компаниянын командасы 50 медалга ээ болду, анын 11и алтын, 6сы күмүш, 33ү коло.

Эске салсак, XX эл аралык Ысык-Көл оюндары 2021-жылдын 4-сентябрынан 12-сентябрына чейин Ысык-Көл облусунун Бактуу-Долоноту айылында "Азия-тынчтыктын жана кызматташтыктын аймагы" деген ураан астында өткөн. Аларга жакынкы жана алыскы чет өлкөлөрдүн, анын ичинде ШКУ жана КМШ өлкөлөрүнн спортчулары катышты.