Акыркы жылдары өз каалоосу менен аскердик кызмат өтөөгө келген жигиттердин саны өсүүдө

Акыркы жылдары аскерге өз каалоосу менен келген балдардын саны артууда. Бул тууралуу Республикалык аскердик-медициналык комиссиянын төрагасы, полковник Нурбек Танабаев билдирди.

"Акыркы жылдарда өз каалоосу менен аскердик кызмат өтөө үчүн келген жигиттердин саны артууда. Мисалы 1990-жылдары аскердик комиссариат айылдардагы балдардын артынан чуркап жүрүп алып келчү. Ал эми 2000-жылдары турмуш шарт бардык аймакта начарлап кеткендиктен, көпчүлүк балдардын ден соолугунда көйгөй жаралып, аскердик кызматка келгендердин саны аз болуп жаткан. Азыр баары жакшы. Балдардын ден соолугу чың. Аскердик комиссариатта жасалган текшерүүнүн жыйынтыгында басымдуу бөлүгү талаптарга жооп берери байкалууда", - деди ал.

Ошондой эле "Скорпион", "Бөрү" же "Пантера" сыяктуу атайын кызматтарда кызмат өтөөнү каалагандардын саны өтө көп болуп жатканын кошумчалады.