Казакстанда оор атлетчи өз өмүрүн кыйды. Буга полиция кылмыш ишин козгоду

Коңшу казакстандык 25 жаштагы оор атлетчи Альберт Линдер каза болду. Бул тууралуу аталган өлкөнүн басылмалары жазып чыгышты.

Маалыматка ылайык, анын жакын адамдарынын бири басылмага оор атлетчи өз жанын кыйгандыгын айткан. Эмне себептен жанын кыйганы азырынча белгисиз. Бул боюнча Алматы облусунун полициясы Кылмыш жаза кодексинин 105-беренеси ("өзүн өзү өлтүрүүгө жеткирүү") менен кылмыш ишин козгогон.

25 жаштагы Альберт Линдер оор атлетика боюнча Азия чемпиону, жаштар универсиадасынын жеңүүчүсү жана рекордсмени, Казакстандын көп жолку чемпиону болгон.