Айрым авиакомпаниялар авиабилеттерди кайра сатуу менен алектенет. Алардын аты аталды

Өлкөдө жүргүнчүлөргө авиабилеттерди кайра сатуу менен чет өлкөлүк төрт авиакомпания алектенет. Бул тууралуу Жарандык авиация агенттигинин директору Александр Настаев парламенттин транспорт, коммуникация, архитектура жана курулуш боюнча комитетинин жыйынында билдирди.

Настаевдин айтымында, чет өлкөлүк төрт компания, тагыраагы Орусиянын "Аэрофлот", "Урал авиалиниялары" "Сибирь" жана Казакстандын "Air Astana" компаниялары билетти кайра сатуу менен алектенет. Бул коронавирус пандемиясы учурунда киргизилген. Александр Настаев Казакстан менен Орусиянын авиация кызматына кат түрүндө кайрылып, жооп алуу боюнча иштер жүрүп жатканын кошумчалады.

Мындан тышкары, ал акыркы эки жылда өлкөдө билет баасынын башаламан жана негизсиз көтөрүлүшү байкалганын билдирди.