Бишкектин мэри жолдорду оңдоо иштерин тездетүүнү тапшырды

Бишкек шаарынын мэри Айбек Жунушалиев "Бишкек асфальт сервис" муниципалдык ишканасына барып, жолдорду оңдоо иштерин тездетүүнү тапшырды. Бул тууралуу шаардык мэриядан билдиришти.

Маалыматка ылайык, мэр шаардык кызматтын ишмердүүлүгү менен таанышып, иш процессинин уюштурулушуна нааразычылыгын билдирген.

"Жунушалиев ишкананын аймагында шаардын муктаждыктары үчүн зарыл болгон брусчатка, бордюр, ирригациялык арыктардын кошумча өндүрүшүн ачуу мүмкүнчүлүгүн карап чыгууну тапшырды. Ал ошондой эле сапатты көзөмөлдөөнү оптималдаштыруу жана оңдоо процесстерин тездетүү, жол белгилерин орнотуу жана шаардын жолдорунда жол белгилерин колдонуу зарылдыгы тууралуу айтты", - деп жазылат маалыматта.