28 жылдан бери паспорт ала албай келген Рахима Юлдашевага жакында паспорт берилет

SUPER.KG порталына Жалал-Абад облусунун Ала-Бука районундагы Биринчи Май айыл өкмөтүнүн жашоочусу, 7 баланын энеси Рахима Юлдашева 28 жылдан бери паспорт ала албай келем деп кайрылган.

Бул боюнча Акыйкатчы аппаратынын Жалал-Абад облусу боюнча инспектору Алишер Тажихановго байланышканыбызда төмөнкүлөрдү билдирди.

"Рахима Юлдашеванын арызы бизге апрель айында түшкөн. Мен үйүнө чейин барып көрүп келгем, оор турмушта жашайт. Айыл өкмөтүнөн маалымкаттарын алып, прокурорго тапшыргам. Туруктуу жашап туруу укугу (Вид на жительство) деген күбөлүк берилет андан соң паспорт берилет. Анткени анда Өзбекстандын да паспорту жок болгондугуна байланыштуу документтерин миграция кызматы карап жатат. Биз дагы көзөмөлдөп жатабыз", - деп билдирди Тажиханов.