Саламаттыкты сактоо министри кандай учурда мектептердеги окуу форматы онлайн болорун айтты

Саламаттыкты сактоо жана социалдык өнүктүрүү министри Алымкадыр Бейшеналиев Биринчи радиого берген маегинде мектептер жана жогорку окуу жайлар кандай учурда онлайн форматка өтөрүн айтты.

“Эгерде класста коронавирусту жуктурган бир же эки учур катталса, ооругандардын саны көбөйсө, анда биз эпидемиологиялык абалга жараша мектептерди жабабыз. Мындан тышкары жогорку окуу жайларындагы окутуу процессин да онлайн окуу форматына өткөрүүгө туура келет. Биз буга даярбыз”, - деди ал.

Ошондой эле министр окуу жылы башталгандан бери коронавирусту жуктурган бир да учур катталбаганын кошумчалады.