"Шамбала" тасмасы беделдүү "Оскар" сыйлыгына көрсөтүлдү

Белгилүү кинорежиссёр Артыкбай Сүйүндүковдун "Шамбала" тасмасы Кыргыз өлкөсү тарабынан "Оскар" сыйлыгынын "Эң мыкты эл аралык көркөм тасма" номинациясына тандалды. Бул туурасында америкалык "Variety" басылма жазып чыкты.

"Тасма маданий баалуулуктардын маанилүүлүгүн, адеп-ахлактык багытын жоготууну жана акылмандыкты, жаштыкты чагылдырат. Тасма ошондой эле татаал экологиялык жана экологиялык маселелерди иликтейт", - деп айтылат билдирүүдө.

Артыкбай Сүйүндүковдун "Шамбала" тасмасы белгилүү жазуучу Чыңгыз Айтматовдун "Ак кеме" повестинин негизинде тартылган. Ал буга чейин КМШ чөлкөмүндөгү эң мыкты тасма аталып, Орусиянын "Ника" киносыйлыгын жеңип алган.