Ошто 3 турак үй күйдү. Коңшу жашагандарга өрттүн алдын алуу боюнча түшүндүрүү иштери жүргүзүлдү

25-сентябрда Ош шаарында 3 турак үйдөн өрт чыгып, кырсыктын кесепетинен 2 аял киши күйүк алганы кабарланган.

ӨКМнын маалыматына ылайык, Амир-Тимур кичи районунун Беш-Капа көчөсүндө жайгашкан турак үйдөн өрт чыккан. Өрт жакын жайгашкан 2 турак үйгө өткөн.

Буга байланыштуу өрт чыккан үйлөрдүн жайгашкан көчөнүн жашоочуларына өрт кырсыгынын алдын алуу жана эрежелерди сактоо боюнча түшүндүрүү иштери жүргүзүлүп, өрт коопсуздук эрежелерин, электр приборлорду коопсуз колдонуу маалыматтар камтылган сунуш баракчалар таркатылды.