Валентина Шевченко америкалык Лорен Мёрфиге каршы беттеши үчүн канча гонорар алары белгилүү болду

UFC уюмунун чемпиону Валентина Шевченко америкалык Лорен Мёрфи менен болгон беттеште ири суммадагы байгеге ээ болду. Бул тууралуу чет элдик басылмалар жазып чыгышты.

Маалыматка ылайык, беттеште Валентина Шевченко 392 миң доллар тапкан. Анын ичинен 350 миң доллар беттешке катышкандыгы жана жеңиши үчүн болсо, мушташка чейинки бир апта бою медиа жана башка иштерге убакыт бөлгөндүгү үчүн кошумча төлөм катары дагы 42 миң доллар берилген.

Ал эми атаандашы Лорен Мёрфинин акысы 132 миң доллар болгон. Анын 100 миң доллары беттеш үчүн, 32 миң доллар жарнама үчүн.

Эскерте кетсек, 26-сентябрда АКШнын Лас-Вегас шаарында өткөн UFC 266 турниринде UFC уюмунун чемпиону Валентина Шевченко америкалык мушкер Лорен Мёрфиге каршы чыгып, алтынчы ирет чемпиондук наамын коргогон.