Камчаткадагы кыргыздар "Көчмөндөр оюну" этно спорттук фестиваль өткөрөт

Орусиянын Камчатка аймагындагы кыргыздардын "Ала-Тоо" коомдук уюму "Камчаткадагы көчмөндөр оюндары" этно спорттук фестивалын өткөрөт. Майрамдык салтанатта концерттик программалар жана этно спорттун салттуу түрлөрү боюнча мелдештер орун аларын уюштуруучулар тарабынан маалым болду.

Спорттук иш-чара 2-октябрда болот. Фестиваль Камчатка аймагынын Жарандык коомду өнүктүрүү, жаштар жана маалыматтык саясат министрлигинин колдоосу менен өткөрүлөт. Майрамдык салтанатта концерттик программалар жана этно спорттун салттуу түрлөрү боюнча мелдештер камтылган. Анда көк бөрү, эр эңиш, тыйын эңмей, кыз куумай, улуттук күрөш, көчмөн элдердин түрдүү оюндары боюнча таймаштар өтөт. Мындан сырткары келген конокторго жана катышуучуларга кыргыз тамак-ашы сунушталмакчы.