"Суу камдап алыңыз". Эртең Бишкектин айрым жерлеринде таза суу берилбейт

Эртең, 30-сентябрда саат 9:00дөн 21:00гө чейин борбордун айрым райондорунда ичүүчү суу токтотулат. Бул тууралуу шаардык мэриянын маалымат кызматынан билдиришти.

Маалыматка ылайык, Тоголок Молдо суу алгычында жана шаардык суу түтүктөрүндө техникалык тейлөө жана оңдоо иштерин жүргүзүүгө байланыштуу суу өчүрүлөт. Алар:

Панфилов, Фрунзе, Манас көчөлөрү менен чектешкен аймактагы турак үйлөрдө, мектептерде, бала бакчаларда, саламаттыкты сактоо мекемелеринде жана башка социалдык жана тиричилик объекттеринде суу болбойт.

Бишкек шаарынын мэриясы келтирилген ыңгайсыздык үчүн кечирим сурайт жана шаар тургундарынан ичүүчү сууну камдап алууну суранат.