ИИМдин Башкы штабы кесиптик майрамын белгиледи

ИИМдин Башкы штабы кесиптик майрамын белгиледи. Бул тууралуу ИИМдин басма сөз кызматынан билдиришти.

Учурда ИИМдин Башкы штабын Бактыбек Кенжегулов жетектейт. Салтанаттуу иш-чарага ИИМдин биринчи орун басары Сүйүн Өмүрзаков катышып, штаб түзүмдүк бөлүктөрүнүн кызматкерлерин кесиптик майрамы менен куттуктады.

"Ар бир кызматкер штабдын ишинин маңызын түшүнө бербейт, бирок жасаган ишениңиздер Ички иштер министрлигинин жалпы ишмердүүлүгү үчүн өтө маанилүү. Штабдын аброю ар кайсы муундагы көптөгөн кызматкерлердин эмгеги менен түптөлгөн, аны сыймык менен сактап жана жогорулатышыңыздар керек", - деди Өмүрзаков.

Иш-чаранын жыйынтыгында кызматтык милдеттерин ак ниет менен аткаргандыгы жана жогорку кесиптүүлүгү үчүн мыкты кызматкерлерге сыйлыктар тапшырылды.