Кийинки жылы бүткөрүлөт. Бишкектин Бакай-Ата конушу борбордук канализацияга кошулат

Бишкектин Бакай-Ата конушу борбордук канализацияга кошулат. Бул тууралуу шаардык мэриянын басма сөз кызматынан билдиришти.

Маалыматка ылайык, Бакай-Ата жаңы конушунда канализациялык насостук станцияны орнотуу менен канализациялык тармак курула баштады.

"Борбордук канализация тутуму конуштун борбордук көчөсүнөн өтүп, келечекте үйлөр дагы ага туташтырылат.

Курулуштун жалпы узундугу 4,2 чакырымды түзөт жана иштер план боюнча 2022-жылдын аягына бүткөрүлөт", - деп айтылат маалыматта.