Ассоль Молдокматова Азербайжандын президентине кат жөнөттү

Коомдук ишмер Ассоль Молдокматова Азербайжандын президенти Ильхам Алиевге кат жөнөттү. Бул тууралуу ал SUPER.KG порталына билдирди. Катта Карабахтагы согуш, согуштан кийинки реконструкциялоо иштери, эки өлкө ортосундагы достук мамиле тууралуу жазылган.

"Урматтуу президент мырза. Бир жыл мурун, бул күндөрү Азербайжандын оккупацияланган жерлерин бошотуу үчүн аскердик операция башталган. Биз, Азербайжандын досторунун кыргыз клубунун мүчөлөрү, биздин өлкөнүн бардык коомчулугу Азербайжандын Куралдуу күчтөрүнүн башкы командачысы катары бул кадамга баруу чечимиңизди түшүнүү менен кабыл алдык.

Бүткүл дүйнө Азербайжан ондогон жылдар бою адилеттүүлүктү тынчтык, дипломатиялык жол менен калыбына келтирүүгө кантип аракет кылганына күбө. Ар бир улут үчүн анын аймагынын кол тийбестигинен жана бүтүндүгүнөн өткөн ыйык эч нерсе жок. Бул үчүн кээде күч колдонууну кошкондо өтө катуу чараларга барууга туура келет.

Бул жаңжал бүткүл дүйнөгө Азербайжан армиясынын моралдык духунун жогорку деңгээлин, даярдыктын, күрөшүүнүн эффективдүүлүгүнүн жогорку даражасын көрсөттү. Бүтүндөй Азербайжан эли, өздөрүнүн президенти жана армиясынын айланасында чогулуп, патриотизм, кайраттуулук жана эрктин үлгүлөрүн көрсөтүштү.

Сиз, президент мырза, көрүнүктүү улуттук лидер экениңизди, өз өлкөңүздүн коопсуздугу жана бүтүндүгүнө ишенимдүү кепил экениңизди дагы бир жолу ырастадыңыз. Бул операциянын натыйжасы Азербайжан армиясынын жаркын жеңиши жана басып алынган жерлердин бошотулушу болду.

Азербайжандын досторунун кыргыз клубунун президенти катары мен жакында эле сиздин өлкөгө бардым, оккупациядан бошотулган аймактарга жана өлкөнүн түндүк аймактарында болдум. Карабахтагы жаңжалдан кийин реконструкциялоо иштери жогорку деңгээлде жүрүп жатканына суктандым.

Чыр-чатактын аягы эки өлкө ортосундагы мамиленин жаңы ачылыштарына туш келгенине кубанбай коё албайбыз. Биздин өлкөлөр алдыбызга эки тараптуу кызматташтыктын деңгээлин стратегиялык өнөктөштүккө көтөрүүнү максат кылышты", - деп жазылган катта.