"Милициянын пункттарында сакталуу". Кайгуул кызматкерлери буюмдарын жоготуп алган жарандарга кайрылат

Борбордук аянттагы милициянын пункттарында жарандар жоготуп алган документтер сакталып турат жана ээлери келип алып кетишсе болот. Бул тууралуу аталган кызматтын маалымат кызматынан билдиришти.

Маалыматка ылайык, борбордук аянттагы милициянын пункттарында жарандардын жоготуп же түшүрүп алган документтери - айдоочулук күбөлүктөр, өздүгүн тастыктаган паспорттор, капчыктар, үйдүн жана унаалардын ачкычтары, унаалардын техникалык күбөлүктөрү, банк карточкалары жана башка буюмдар сакталып турат.

"Булардын баары борбордук аянтта сейилдеп жүргөн жарандар аянттан таап алып, милициянын пунктунда кызмат өтөгөн кызматкерлерге таштап кетишкен. Сүрөттө көрсөтүлгөн буюм жана документтердин ээлери көрсө келип алып кетишсе болот", - деп жазылат маалыматта.