"Ош базарындагы" башаламан соода-сатыкка каршы митингге чыккандарды мэрия кабыл алды

Бүгүн, 4-октябрда "Ош базарынын" айланасындагы башаламан соода-сатыкка каршы мыйзамдуу соода жүргүзүп жаткандар митингге чыгышты.

Алар стихиялуу соода кылгандар соодагерлердин ишине тоскоолдук жаратып жаткандарын айтышты.

Митингге чыккандар арабаларга кийимдерди илип, "Распродажа" деген жазууларды алып чыгышты.

Аларды Бишкек шаардык мэриясы кабыл алып, жагдайды кеңири талкуулоо үчүн эртең саат 10:30да Ленин акимчилигинде жолугушуу болорун айтышты.

"Биз эртең Ленин акимчилигинде саат 10:30да жолугушуу орун алат. Ал жерде бүгүнкү көйгөйдү талкуулайбыз. Эгер биздин талабыбыз аткарылбаса, Ак Үйдүн алдына арабаларды алып чыгып, нааразычылык билдирүүнү улантабыз", - деди митингге чыккандардын бири Күлчакыра Табалдиева.