Коомдук ишмерлер Курсан Асановду үй камагына чыгарууну талап кылышты

Бүгүн, 4-октябрь күнү ички иштер министринин камакка алынган мурдагы орун басары Курсан Асановдун баш коргоо чарасы боюнча маалымат жыйын өтүүдө.

Жыйынга эмгек ардагерлери, профессорлор, маданиятка эмгек сиңирген ишмерлер катышууда.

"Бийлик өкүлдөрүнө кайрылуубуз акыйкаттык кылып, мыйзам чегинде карап Курсан Асановду үй камагына чыгарууну талап кылабыз. Генералыбызды ушинтип кордогонубуз туура эмес. Мыйзамсыз иштерге биз капабыз. Көпчүлүк идеал туткан адамды кор кылганыбыз туура эмес болуп калат. Кой-Таш ишинде баш-көз болуп жүрсө аны алып барып камап койгон - бул көрө албастык”, - дешти жыйындын катышуучулары.

Эскерте кетсек, 14-сентябрь күнү ИИМдин тергөө кызматы тарабынан "бийликти күч менен басып алуу" беренеси боюнча шектүү катары Курсан Асанов кармалып, Бишкек шаарынын ички иштер башкы башкармалыгынын убактылуу кармоочу жайына киргизилген.