ЖЭБдеги бардык от казандар тазалоочу курулмалар менен иштейт

Бишкек ЖЭБи күз-кыш жылытуу мезгилине карата даярдыктары тууралуу тааныштыруу максатында бүгүн, 5-октябрь күнү пресс-тур уюштурду.

ЖЭБдин өндүрүштүк-техникалык бөлүмүнүн инженери Анжелика Жданова ЖЭБ себептүү абанын булганышынын 14 пайызын түзгөндүгүн билдирди.

"Биз адаттагыдай эле иштеп жатабыз. Бардык от казандар тазалоочу курулмалар менен иштейт. Ансыз иштебейт. ЖЭБдин эски агрегатында күл жыйноочуларды жана электрофильтрлерди тазалоонун эффективдүүлүк коэффициенти 94 пайызга барабар болсо, жаңыларында 99,9 пайызды түздү.

Айлана-чөйрөнү коргоо мамлекеттик агенттиги ЖЭБден чыккан абанын булганышы 14 пайызды түзөт деген корутунду чыгарды. Бизде эмиссиянын нормалары ашкан жок. Бирок биздин жабдуулар эскирген, 1960-жылдардын станциясы", - деп айтты Жданова.