Кар жаап, аба ырайы сууктады. Бишкекти жылуулук менен камсыздоо иштери кандай жүрүүдө?

Бишкек шаарында 1348 турак жай, 38 медициналык мекеме, 25 мектеп, 57 мектепке чейинки билим берүү мекемеси борбордук жылуулук берүү системасына кошулду. Бул тууралуу "Бишкек жылуулук тармагы" ишканасынан билдиришти.

Маалыматта жазылгандай, учурда борбор калаанын 67 пайызы жылуулук тармагына туташты.

Жылуулук тармагына байланышкан суроолор болсо, төмөнкү номурларга кайрылса болот:

- (0312) 61-11-69 же 1980 – колл-центр "Бишкек жылуулук тармагы" ААК;

- (0312) 56-85-58 – диспетчердик кызмат;

- 36-57-19, 30-07-67 – Борбордук райондогу нөөмөт инженери;

- 51-06-22, 21-74-06 – Түштүк районундагы турак жайларды жылуулукка туташтыруу боюнча нөөмөт инженери.

Белгилеп өтсөк, 5-октябрга караган түнү Бишкек шаарынын тургундарына жылуулук бериле баштаган.