Өкмөттүн Таластагы мурдагы өкүлү Айбек Мырза бир мандаттуу округдан шайлоого аттанарын билдирди

Өкмөттүн Талас облусундагы мурдагы ыйгарым укуктуу өкүлү Айбек Мырза бир мандаттуу округдан шайлоого аттанарын билдирди. Бул тууралуу ал социалдык тармактагы баракчасына жазып чыкты.

"№21 Талас бир мандаттуу округунан Жогорку Кеңештин депутаттыгына талапкер болууга тиешелүү документтерди тапшырдым", - деп жазды ал.

Талапкерлерди көрсөтүү шайлоо округдарынын тизмеси расмий жарыяланган күндөн башталып, добуш берүү күнүнө чейин 45 календарлык күн калганда, тагыраагы 13-октябрда саат 18:00дө аяктайт. Учурда арыз бергендердин саны 100дөн ашты.

Парламенттик шайлоо 28-ноябрга белгиленген.