"ВДНХ, Манас айылы, "Ысык-Көл" мейманканасы". Депутат Бишкек шаарындагы каралбай калган жерлерди иштетүүнү сунуштады

Бүгүн, 7-октябрь күнү депутат Акыл Кемелов Жогорку Кеңештин жыйынында өкмөттүн Жогорку Кеңештеги туруктуу өкүлүнө Бишкектеги ВДНХ, Манас айылы, "Ысык-Көл" мейманканасын ишке киргизүү сунушун айтты.

"Дубайда Global Village деген жери бар. Ал жакта ар кайсы өлкөлөрдүн маданияты болгон өзүнчө соода аймактары бар. Биздин ВДНХ азыр жөн эле жатпайбы. Ошондой кылып чоң соода аймагы кылып койсок болот. Өзүбүздүн жарандарыбызга же башка өлкөлөрдүн маданияты, эмне оокат жайы болсо сата тургандай кылып жасап койсок болот.

ВДНХнын жанында "Ысык-Көл" мейманканасы турат аны да ишке киргизишибиз керек. Бул нерсе биздин имиджибизге, экономикабызга салым кошмок. Жанында Манас айылы да турат. Жалгыз Манас айылыбыз бар экен, ал каралбай келет. Өкмөт, каржы жагынан жардам кылып койбойсуздарбы", - деди депутат.